بھوپال،4 جولائی(ایس او نیوز؍آئی این ایس انڈیا)عام آدمی پارٹی کے لیڈروں نے آج یہاں گورنر رام نریش یادو سے مل کر فائدے کے عہدے پر سطحی ریاست کے 118اراکین اسمبلی کی فہرست سونپی اور ان ممبران اسمبلی کی رکنیت ختم کرنے کا مطالبہ کیا۔مدھیہ پردیش آپ کے سیکریٹری نوین ہکا نے کہا کہ فائدہ کے عہدے پر کل 118ممبران اسمبلی کی فہرست شکایتی خطوط کے ساتھ سونپی گئی۔ان میں سے 116مبران اسمبلی مدھیہ پردیش کے مختلف کالجوں میں مشترکہ کمیٹی کے رکن ہیں جو فائدہ کے عہدے کے دائرے میں آتے ہیں۔آپ رہنماؤں کے وفد نے اس سلسلے میں گورنر کے سامنے ہندوستانی آئین کے آرٹیکل 191:1 آرٹیکل 192اور بڑے پیمانے پر نمائندگی ایکٹ 1951کے تحت تحریری طور پر شکایت بھی درج کرائی۔انہوں نے بتایا کہ دو رکن پارس جین اور دیپک جوشی بھی انڈین ا سکاؤٹ اینڈ گائیڈ میں عہدیدار ہیں جو فائدہ کے عہدے کے دائرے میں آتے ہیں۔عام آدمی پارٹی کے ریاستی کنوینر آلوک اگروال نے بتایا کہ مدھیہ پردیش اسمبلی کے 118رکن اسمبلی ایسے ہے جو فائدہ کے عہدے پر براجمان ہیں۔اس وجہ سے ان کی اسمبلی رکنیت ہندوستانی آئین اور عوامی نمائندگی ایکٹ 1951کی دفعات کے مطابق ختم کئے جانے کے قابل ہے۔اگروال نے کہا کہ 118ممبران اسمبلی کی رکنیت ختم ہونے پر شیوراج حکومت اقلیت میں ہوگی،اس لئے شیوراج سنگھ حکومت کو استعفی دینا چاہیے۔گورنر سے ملاقات کرنے والے آپ وفد میں آلوک اگروال،اکشے ہکا، آپ کی ترجمان نیہا بگا، ڈاکٹر ڈی جین اور امت بھٹناگر شامل تھے۔