نئی دہلی، 26 فروری (ایس او نیوز؍آئی این ایس انڈیا) بی ایس پی سربراہ مایاوتی نے پاکستان کے اندر اندر دہشت گرد کیمپوں پر ہندوستانی فضائیہ کی کارروائی کی تعریف کرتے ہوئے منگل کو کہا کہ اگر وزیر اعظم نریندر مودی فوج کو پہلے ہی کھلی چھوٹ دے دی ہوتے تو پٹھان کوٹ، اري اور پلوامہ جیسی دہشت گرد واقعات نہیں ہوتے اور ہمارے اتنے جوانوں کی شہادت نہیں ہوتی۔مایاوتی نے ٹویٹ کر کہاکہ جیش محمد دہشت گردوں وغیرہ کے خلاف پی او میں گھس کر ہندوستانی فضائیہ کے بہادر جانبازوں کی کاروائی کو سلام اور احترام،کاش ہماری فوج کو بی جے پی کی حکومت پہلے ہی آزدی دے دیتی تو بہتر ہوتا۔انہوں نے کہاکہ وزیر اعظم نے پلوامہ کے جوانوں کی شہادت کے بدلے میں کارروائی کرنے کے لیے اب جوآزادی فوج کو دی ہے تو یہ فیصلہ مودی حکومت کی طرف سے پہلی لے لیا گیا ہوتا تو پٹھان کوٹ، اوری اور پلوامہ جیسی انتہائی افسوسناک اور انتہائی فکر مند کرنے والے واقعات نہیں ہوتے اور نہ ہی اتنے جوان شہید ہوتے۔

ایس پی صدر اکھلیش یاد نے کہاکہ ہندوستانی فضائیہ اور مسلح افواج کو سلام کرتا ہوں،بہت مبارک ہو۔ واضح رہے کہ ہندوستانی فضائیہ کے لڑاکا طیاروں نے منگل کو علی الصبح کنٹرول لائن کے دوسری طرف پاکستانی حصے میں بہت سے دہشت گرد کیمپوں پر بمباری کی،حکومت سے منسلک ذرائع نے یہ معلومات دیتے ہوئے بتایا کہ یہ کارروائی جموں کشمیر کے پلوامہ میں 14 فروری کو دہشت گرد گروہ جیش محمد کی طرف سے کئے گئے خودکش حملے کے ٹھیک 12 دن بعد کی گئی ہے۔پلوامہ حملے میں سی آر پی ایف کے 40 جوان شہید ہو گئے تھے۔