کولکاتہ،25دسمبر(ایس او نیوز؍آئی این ایس انڈیا)سی پی ایم کے سینئر لیڈر نروپم سین کا پیر کی صبح شہر کے ایک اسپتال میں انتقال ہو گیا۔وہ 72 سال کے تھے اور طویل عرصے سے بیمار تھے۔یہ معلومات ان کے خاندانی ذرائع نے دی۔پارٹی کے سابق پولٹ بیورو ممبر سین کے خاندان میں ان کی بیوی، ایک بیٹے اور ایک بیٹی ہے۔اسپتال کے ذرائع نے بتایا کہ آج صبح پانچ بجکر دس منٹ پر دل کا دورہ پڑنے سے سین کا انتقال ہو گیا۔ مغربی بنگال کی وزیر اعلی اور ترنمول کانگریس کے سربراہ ممتا بنرجی اور سی پی ایم کے جنرل سکریٹری سیتا رام یچوری نے مارکسی رہنما کے انتقال پر غم کا اظہار کیا ہے۔اسپتال کے ایک اہلکار نے بتایا کہ سین گردوں کی بیماری میں مبتلا تھے۔سی پی ایم زیرقیادت بائیں محاذ کے 2001 میں ایک بار پھر اقتدار میں آنے کے بعد بدھا دیو بھٹاچاریہ کی کابینہ کے سربراہ چہروں میں سے ایک سین کو کامرس اینڈ انڈسٹری کا چارج سونپا گیا تھا۔بھٹاچاریہ اور سین کی قیادت میں ہی بائیں محاذ نے ریاست میں صنعت کاری کی مہم شروع کیا تھا اور نجی سرمایہ کاری کے عمل کو شروع کیاتھا۔ پالیسی میں اس تبدیلی نے انہیں کافی فائدہ پہنچایا، نتیجے 2006 کے اسمبلی انتخابات میں بائیں محاذ کو زبردست کامیابی حاصل ہوئی۔لیکن 2006 کے آخر تک ٹاٹا نینو کار پلانٹ کو لے کر سنگور میں زمین تحویل مہم نے اس حکومت کو نقصان پہنچانا شروع کر دیا۔بھتہ تحویل اراضی کئے جانے کے خلاف احتجاجی مظاہروں کے سبب بالآخر ٹاٹا موٹرز کو کار پلانٹ کو 2008 میں سنگور سے گجرات لے جانا پڑا تھا۔اس وقت کے اپوزیشن ترنمول کانگریس کی قیادت میں سنگور اور نندی گرام میں زمین تحویل مخالف مظاہروں کو 2011 میں 34 سال کی عمر بائیں محاذ کی حکومت کے گر جانے کے اہم وجوہات میں سے ایک سمجھا جاتا ہے۔پارٹی کے اندر اور باہر تنقید جھیلنے کے بعد سی پی ایم کے اس وقت کے پولٹ بیورو ممبر سین نے خود کو سرگرم سیاست سے الگ کر لیا تھا۔اگلے چند سال میں خراب صحت کی وجہ سے وہ پولٹ بیورو سے، مرکزی کمیٹی سے اور اس سال کے آغاز میں سی پی ایم پارٹی کے کانفرنس کے دوران وہ ریاست کمیٹی سے بھی ہٹ گئے تھے۔وہ ورددھمان جنوبی حلقہ سے تین بار رکن اسمبلی رہے۔انہوں نے بتایا کہ بدھ کو سین کی لاش یہاں واقع سوستانی دفتر لے جایا جائے گا۔اس کے بعد اسے پارٹی کے ریاست ہیڈکوارٹر پہنچایا جائے گا جہاں لوگ ان کے آخری دیدار کر سکیں گے۔اسی دن ان آبائی شہر ورددھمان میں ان کی آخری رسومات ادا کی جائے گی۔ بنرجی نے ان کے انتقال پر افسوس کا اظہار کرتے ہوئے ٹویٹ کیاکہ مغربی بنگال کے سابق وزیر نروپم سین کے انتقال سے دکھی ہوں۔ان کے خاندان اور بہی خواہوں کے تئیں میں تعزیت کا اظہار کرتی ہوں۔