پٹنہ، 10 دسمبر (آئی این ایس انڈیا) ملک میں عصمت دری کے بڑھتے واقعات پرآر جے ڈی کے لیڈر شیوانند تیواری نےتشویش کا اظہار کرتے ہوئے آئٹم ڈانس اور موبائل پر آنے والے فحش ویڈیوزکو ذمہ دار قرار دیا ہے۔

 جھارکھنڈ کے ضلع دمکا سے پانچ بچوں کی ماں کے ساتھ 17 درندوں کے اجتماعی عصمت دری کا واقعہ سامنے آنے پرشیوانند تیواری  نے کہا کہ قبائلی ثقافت میں اس طرح کے واقعے کا تصور بھی نہیں کیا جاسکتا۔ آئٹم ڈانس اور موبائل فحش ویڈیوز نے لوگوں کی ذہنیت بدل دی ہے۔ اسی وجہ سے عصمت دری کے واقعات میں مسلسل اضافہ ہورہا ہے۔انہوں نے کہا کہ 2012 میں نربھیا اسکینڈل کے بعد بھی میں نے کہا تھا کہ صرف سخت قوانین نافذ کرنے سے کچھ نہیں ہوگا۔ جب تک معاشرے میں عصمت دری کیلئے اشتعال انگیز صورتحال موجود ہے، تب تک اس کو روکا نہیں جاسکتا۔

شیوانند تیواری نے کہا کہ پچھلے کچھ سالوں میں اچانک عصمت دری کے واقعات میں اضافہ ہوا ہے۔یہ اس وقت سے شروع ہوا  جب سے لوگوں نے معاشرے  کو جدید بنانے کی کوشش کی۔ اس جدت پسند ثقافت میں خواتین کو بطور صارف پیش کیا جاتا ہے۔ یہی وجہ ہے کہ عصمت دری کے واقعات بڑھتے جارہے ہیں۔

بتادیں کہ جھارکھنڈ کے ضلع دمکا کے مفاسیل پولیس اسٹیشن کے علاقے میں منگل کی رات ایک شادی شدہ خاتون کے ساتھ 17 افراد کے ذریعے  اجتماعی زیادتی کا واقعہ سامنے آیا تھا۔ متاثرہ شخص کی شناخت پر ایک ملزم کو حراست میں لیا گیا ہے۔ اس  کے ساتھ ہی پولیس 16 دیگر کی گرفتاری کے لئے چھاپے مار رہی ہے۔متاثرہ ان ملزمان کی شناخت نہیں کرسکی ہے۔ مقتولہ پانچ بچوں کی ماں ہے۔ وہ منگل کی رات اپنے شوہر کے ساتھ بازار میں خریداری کے بعد گھر لوٹ رہی تھی۔ ادھر گاؤں پہنچنے سے پہلے ہی ملزمان نے  دونوں کو گھیرے میں لے لیا، ان میں سے کچھ نے اس کے شوہر کو یرغمال بنا لیا اور دیگر نے  خاتون کو جھاڑیوں میں لے کر  باری باری زیادتی کی،اس کے بعد سب بھاگ گئے۔ صبح ہونے کے بعد متاثرہ پولیس اسٹیشن پہنچی اور شکایت درج کروائی۔ اس تعلق سے خاتون نے پولس کو بتایا تھا کہ 17 میں سے ایک اسی کے گاوں کا رہنے والا ہے، دیگر لوگوں کو وہ نہیں جانتی۔