کاروار:8/نومبر (ایس او نیوز) انضمام ِ کرناٹکا کے 60سال مکمل ہونےپر انفارمیشن اینڈ پبلک ریلیشن محکمہ کی طرف سے منعقد کیا گیا کنڑا فلمی گیتوں کا پروگرام عوام کو محظوظ کرنے میں کامیاب ہوا۔ شیموگہ کی ٹیم نے قریب 3گھنٹوں تک کنڑا ،کنڑا ریاست پر روشنی ڈالنے والے فلمی گیتوں کو پیش کیا۔
ضلع کے ڈی سی نکول صاحب نے ڈھول بجا کر پروگرام کا افتتاح کرنے کے بعد خطاب کرتے ہوئے کنڑا کی محبت صرف نومبر کے مہینے تک محدود نہ ہو ، اس پروگرام کے ذریعے کنڑا کی توسیع مقصودہونے کی بات کہی۔ اسٹار سنگر چیتن نایک، وائس آف ملناڈو امیت این کمار، دیویا رامچندر ، رکشھیتا اودھنی اور نویدیتا نے اس موقع پر بہترین فلمی نغمے پیش کئے۔
پروگرام سے قبل انضمام ِ کرناٹکا کے سلسلے میں نکالے گئے کنڑا رتھ کا ڈی سی ، ایس ایس نکول نے ڈی سی دفتر میں استقبال کیا۔ اس موقع پر کاروار سرکاری پی یو کالج کے طلبا کی طرف سے تیار کردہ نگولی بھی عوام کی کشش کا سبب بنے۔ اس کے بعد کنڑا رتھ شہر کے اہم راستوں سے گزرکر میور ورما جلسہ گاہ پہنچا ۔ ڈی سی ایس ایس نکول ، ضلع پنچایت آفیسر ایل چندرشیکھر نایک، ایڈیشنل ایس پی دیوراج ، ضلع کنڑا ساہتیہ پریشد کے صدر اروند کرکی کوڑی سمیت کئی معزز شخصیات موجود تھیں۔