کولکتہ 5ستمبر ( یو این آئی )کلکتہ کے ماجر ہاٹ میں فلائی اوورگرنے کی وجہ سے5افرادکی موت ہوگئی ہے ۔جب کہ کئی افراد کے دبے ہونے کا اندیشہ ہے ۔جنوبی کولکتہ میں واقعہ یہ علاقہ کافی بھیڑ بھاڑ والا علاقہ ہے ۔یہ حادثہ آفس کے اوقات ختم ہونے سے کچھ دیر قبل ہوا ہے اس لئے زیادہ افراد کے دبے ہونے کا امکان نہیں ہے ۔ اس پل کا استعمال زیادہ ہوتا ہے ۔اگر آفس کا وقت ختم ہونے کے بعد یہ حادثہ ہوتا تو زیادہ اموات ہونے کا اندیشہ تھا۔رپورٹ کے مطابق پل کا ایک حصہ منہدم ہوگیا ہے ۔لگاتار بارش کی وجہ سے پل مخدوش ہوگیا تھا ۔یہ حادثہ اسی کی وجہ سے ہی ہوا ہے ۔ملبے میں 25 افراد کے دبے رہنے کا خدشہ ہے ۔