نئی دہلی،2؍ جنوری(ایس او نیوز؍آئی این ایس انڈیا) کورونا کے تباہی سے متاثردہلی کے رہائشیوں نے پورے جوش وخروش کے ساتھ نئے سال کا استقبال کیا۔ انفیکشن کے پیش نظر پابندیاں عائد کردی گئیں ، لوگوں نے چھتوں پر جشن منایاکیے اور پھر آدھی رات کو کہیں اونچی آواز میں میوزک بجا اورپٹاخے پھوٹے ۔ مشرقی دہلی سمیت دارالحکومت کے کچھ حصوں میں ، ماحول دیوالی کی طرح نظر آنے لگا تھا۔ شاید لوگوں کاارادہ تھا کہ پچھلے سال کو بھلا کر نئے سال کے استقبال کریں۔تاہم کانگریس پارٹی نے نئے سال کے موقع پر دارالحکومت میں پٹاخوں پر پابندی پر سوالات اٹھائے ہیں۔ پارٹی کے رکن پارلیمنٹ اور ترجمان ابھیشیک منو سنگھوی نے ٹویٹ کیاہے کہ مرکز اور دہلی حکومت نے پٹاخوں پر پابندی کیوں نہیں لگائی۔ انہوں نے لکھا ہے کہ نئے سال کے پٹاخے دیوالی پٹاخوں سے بہت مختلف ہیں۔ مرکز اور دہلی حکومت نے دیوالی کی طرح اس پر مکمل پابندی کیوں نہیں لگائی ، ایسا لگتا ہے جیسے دیوالی کے بعدہوا صاف ہوگئی ہے۔