احمد آباد 26 نومبر(ایس او نیوز؍آئی این ایس انڈیا )ملک میں سفید انقلاب کے بانی اور پدم وبھوشن سے نوازگئے ورگج کورین پر بی جے پی کے سابق وزیر دلیپ سنگھانی نے الزام لگایا ہے کہ انہوں نے عیسائی اداروں کو مشنری کام کے لئے فنڈز دستیاب کرایا ہے۔گجرات کوآپریٹو دودھ اور مارکیٹنگ یونین امول سمیت گجرات دودھ مارکیٹنگ فیڈریشن، انسٹی ٹیوٹ آف دیہی مینجمنٹ اور نیشنل ڈیری ڈیولپمنٹ بورڈ سمیت کئی اداروں کے قیام کرنے والے ورگج کورین کو لے کر سنگھانی نے کہا کہ، انگریزی میڈیا میں ان کے اثرات کی وجہ سے ہی ان کی شبیہ کو عظیم شخص کے طور پر پروپیگنڈکیا گیا۔ کورین پر الزام لگانے والے دلیپ سنگھانی بی جے پی کے سابق وزیر ان دنوں نافیڈ کے نائب صدر بھی ہیں۔واضح ہو کہ کورین کی 97 ویں جینتی پر منعقد موٹر سائیکل ریلی کاموقع تھا، لیکن اس موقع پر بھی سنگھانی نے کورین پر الزام لگایا ۔ سنگھانی نے اس سے پہلے گزشتہ سال مونگ پھلی کی خریداری میں گجرات حکومت پر گھوٹالے کا الزام لگایا تھا۔ سنگھانی نے یہ بات کہہ کر تقریب میں موجود لوگوں کو بھی چونکا دیا تھا۔ ملک میں زراعت اور دودھ کی پیداوار کے میدان میں انقلاب لانے والے ورگج کورین نے گجرات کے آنند شہر کو اپنا مسکن بنایا یہیں پر انہوں نے بھارت میں دودھ کے انقلاب کی بنیاد رکھی۔انہوں نے امول سمیت تین درجن اداروں کی بنیاد رکھی۔ ان کی قابل ذکر خدمات کے لئے ان سے پہلے پدم بھوشن اور بعد میں پدم وبھوشن سے نوازا گیا۔